1. Bosh sahifa
2. Yangiliklar

TADBIRKORLAR QABULI – MUAMMOGA YECHIM TOPISH UCHUN SAMARALI USUL

×

Kichik biznes va xususiy tadbirkorlikni faol qo’llab-quvvatlash, oilaviy tadbirkorlikni yanada rivojlantirish, mahalliy ishlab chiqaruvchilarni har tomonlama rag’batlantirish, eksport faoliyatini amalga oshiruvchi korxonalar uchun eng qulay shart-sharoitlarni yaratib berish maqsadida Qo’shtepa tumani hokimi I.Novikov tomonidan haftada bir marotaba “Tadbirkorlar qabuli” o’tkazilib kelinmoqda. 

Bugun navbatdagi qabul tumanimizdagi O’zbekiston Respublikasi Bosh vazirining tadbirkorlar murojaatlarini ko’rib chiqish qabulxonasida o’tkazildi. Tadbirkorlik faoliyati bilan shug’ullanish istagida bo’lgan fuqarolarni qo’llab-quvvatlash, tadbirkorlik sub'ektlarining murojaatlarini ko’rib chiqish va muammolarini o’z vaqtida bartaraf etish maqsadida  tuman rahbari tadbirkorlarni qabul qildi.

Bugungi qabulda 10 ga yaqin tadbirkorlar ishtirok etib, ular tomonidan tadbirkorlikni kengaytirish hamda yangi ishchi o’rinlar yaratish uchun kredit olish va yer maydoni ajratish kabi masalalarda murojaatlar qilindi. 

Qabulda har bir tadbirkorning murojaatlari tuman hokimi tomonidan eshitildi. Murojaatlarning aksariyatini joyida hal etilishiga e'tibor qaratildi. Muddat talab etuvchi murojaatlar ijrosi nazoratga olinib, huquqiy maslahatlar berildi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram