1. Bosh sahifa
2. Yangiliklar

QO’SHTEPADA OILAVIY NODAVLAT MAKTABGACHA TA'LIM MUASSASALARI SONI YANA 2 TAGA KO’PAYDI

×

Qo’shtepa tumanida yakka tartibdagi tadbirkorlar Guljaxon O’rinboyeva va Nodiraxon Holmatovalar tomonidan tashkil etilgan “Sirli olam”, “Qumtepa vorislari” deb nomlangan oilaviy nodavlat maktabgacha ta'lim muassasalarining ochilish marosimi bo’lib o’tdi.

Ushbu muassasalarning ochilish marosimida tuman hokimi Ilyosbek Novikov ham ishtirok etdi. 

Yig’ilganlarga muassasalarda yaratilgan sharoitlar tanishtirildi. Shuningdek, muassasa ochilishida jam bo’lganlarga tuman maktabgacha ta'lim bo’limi tomonidan oilaviy hamda davlat-xususiy sheriklik asosida maktabgacha ta'lim tashkiloti tashkil etishning afzalliklari, bu borada davlat tomonidan ko’rsatiladigan yordam hamda beriladigan imtiyozlar xususida ma'lumot berildi. 

Mazkur oilaviy nodavlat maktabgacha ta'lim muassasalari faoliyati yo’lga qo’yilishi munosabati bilan 8 nafar xotin-qizlar bandligi ta'minlanib, 100 nafar bolajonlar sifatli ta'lim-tarbiya olishi uchun imkoniyat yaratildi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram