1. Bosh sahifa
2. Yangiliklar

QO‘SHTEPA TUMANI PROKURATURASINING TASHABBUSI BILAN “BO‘SH ISH O‘RINLARI” MEHNAT YARMARKASI TASHKIL ETILDI

×

Qo‘shtepa tumani prokuraturasining tashabbusi bilan tuman hokimligi, Kambag‘allikni qisqartirish va bandlikka ko‘maklashish bo‘limi hamda mas’ul tashkilotlar bilan hamkorlikda Madaniyat markazida “Bo‘sh ish o‘rinlari” mehnat yarmarkasi tashkil etildi.

Unda 18 ta korxona va tashkilotlar 220 dan ortiq bo‘sh ish o‘rinlari, shuningdek ishlab chiqarilgan maxsulotlaridan namunalar bilan qatnashib, 100 nafardan ortiq ishsiz fuqarolar va yoshlar qamrab olindi.

Tadbirda tuman prokurori Axrorjon Xudoyberganov ishtirok etib, tashkil etilgan mehnat yarmarkasi ish topishda qiynalayotgan fuqarolarni ish bilan ta’minlashda zarur va ahamiyatli ekanligini ta’kidlab o‘tdi.

Mehnat yarmarkasi davomida 23 nafar yoshlarga ishga joylashtirish uchun yo‘llanmalar berildi, 21 nafar yoshlar kasb-hunarga o‘qitish bo‘yicha kurslarga jalb qilinadigan bo‘ldi, 8 nafar yoshlarga mehnat qonunchiligi va boshqa masalalarda huquqiy maslahatlar berildi.

Bizni ijtimoiy tarmoqlarda kuzating
Facebook, Telegram