1. Бош сахифа
2. Янгиликлар

ҲОКИМ ЁРДАМЧИСИ ФАОЛИЯТИДАН

×

Хонадон фаровонлиги томорқадан

Қўштепа туманидаги маҳаллаларда иш олиб бораётган ҳоким ёрдамчилари фаолиятидан аҳоли мамнун. Тумандаги 51 та маҳалла фуқаролар йиғинида тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари самарали фаолият юритмоқда.

Бу борада Шодлик маҳалласи ҳоким ёрдамчиси М.Саидова томонидан фуқаролар билан тарғибот-ташвиқот ишлари кенг йўлга қўйилган. Шунингдек, имтиёзли кредит эвазига хонадонлар қўйчилик, паррандачилик, асаларичилик ҳамда иссиқхоначилик фаолияти билан шуғулланишмоқда.

Жумладан, ушбу маҳаллада истиқомат қилувчи В.Рўзибоев томонидан 25 сотих ер майдонида иссиқхона ташкил этилган ва ҳудуддаги 10 нафар ишсиз аёлларнинг бандлиги таъминланган.

Иссиқхонага 7 минг туп помидор кўчатлари экилиб, меҳр билан парваришланмоқда. Иссиқхонада турли маҳсулот етиштиришни ҳадисини олган В.Рўзибоев бу йил 100 миллион сўмдан ортиқ даромад олишни режалаштирган.

Шунингдек, Ф.Ёқубов ҳам маҳалладаги миришкор деҳқонлардан ҳисобланади. Унинг яшаш хонадонида ҳам 10 сотих ер майдонида иссиқхона ташкил этилган. Иссиқхонага экилган 2,5 минг туп помидор кўчатлари шу кунларда хосилини бериб турибди. Ф.Ёқубов бу йил 100 миллион сўмга яқин даромад олиш ниятида.

Бизни ижтимоий тармоқларда кузатинг
Facebook, Telegram