Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ҚЎШТЕПА ТУМАН ИИБ МИГРАЦИЯ ВА ФУҚАРОЛИКНИ РАСМИЙЛАШТИРИШ БЎЛИНМАСИ ОГОҲЛАНТИРАДИ
2022-05-30 23:55:54 463
Ўзбекистон Республикаси Президентиниг 2009 йил 23 июндаги “Ўзбекистон Республикасида паспорт тизимини янада такомиллаштириш чора-тадбирлари тўғрисида”ги ПФ-4117-сонли ҳамда 2011 йил 5 январдаги “Ўзбекистон Республикасида паспорт тизимини такомиллаштиришга доир қўшимча чора-тадбирлар тўғрисида”ги ПФ-4262-сонли Фармонларига асосан Ўзбекистон Республикаси фуқароларига биометрик паспортлар берилиши бошланган.
“Ўзбекистон Республикаси фуқаросининг биометрик паспорти тўғрисида”га Низомнинг 3-бандида “Паспорт берилган кундан бошлаб
10 йил давомида амалда бўлади.” деб белгилаб қўйилган ҳамда ушбу Низомнинг 11-бандида “Фуқаро паспортининг амал қилиш муддати тугагандан сўнг ёки фамилияси, исми, отасининг исми, туғилган йили ва миллати ўзгаргандан сўнг паспорти бир ой муддатда ID-картага алмаштирилиши лозим” деб белгиланган.
Фуқароларимиз томонидан паспортини ўз вақтида ID-картага алмаштирмасдан амал қилиш муддатларини ўтказиб юборганликлари Ўзбекистон Республикаси МЖтКнинг 223-моддасига жарима солинишига асос бўлади.
Юқоридагиларни инобатга олган ҳолда, фуқароларимиздан амал қилиш муддатлари тугаётган биометрик паспортларини ўз вақтида ID-картага алмаштириш учун Қўштепа туман ИИБ Миграция ва фуқароликни расмийлаштириш бўлинмасига мурожаат қилишларини сўраймиз.
Қўштепа туман ИИБ Миграция ва фуқароликни расмийлаштириш бўлинмаси.