1. Бош сахифа
2. Янгиликлар

“БОЛАЛАРГА БЕРИНГ ДУНЁНИ” ШИОРИ ОСТИДАГИ МАХСУС ҲАФТАЛИК ДАВОМ ЭТМОҚДА

×

Қўштепа тумани Мактабгача таълим бўлимига қарашли барча мактабгача таълим ташкилотларида 1-июн “Халқаро болаларни ҳимоя қилиш куни” муносабати билан 25-31 май кунлари “Болаларга беринг дунёни” шиори остидаги махсус ҳафталик доирасида маънавий-маърифий тадбирлар, спорт мусобақалари ташкил этилмоқда.

Жумладан, ҳафталик доирасида Қоражийда маҳалла фуқаролар йиғини ҳудудидаги мактабгача таълим ташкилотларида таълим олаётган 5-7 ёшли тарбияланувчилар ўртасида спортнинг велопойга мусобақаси ўтказилди. 

Иштирокчилар “Белгиланган масофага, белгиланган вақтда ким олдин етиб келиш” шарти бўйича беллашдилар. Мусобақада 6-МТТ тарбияланувчиси С.Турсунов, 7-МТТ тарбияланувчиси Л.Кенжаев ҳамда 46-МТТ тарбияланувчиси А.Абдумуталбоевлар фахрли ўринларни эгаллашди.

Шунингдек, 22-сонли мактабгача таълим ташкилотида болажонлар ўртасида шахмат-шашка бўйича ҳам мусобақа бўлиб ўтди. Ғоят қизиқарли ўтган мусобақада 14-МТТ тарбияланувчиси М.Набиев ҳамда 35-МТТ тарбияланувчиси А.Арабов, 27-МТТ тарбияланувчиси Р.Алиева ҳамда 18-МТТ тарбияланувчиси И.Валиевлар ғолиб деб топилди.

32-сонли мактабгача таълим ташкилотида эса ҳудуддаги мактабгача таълим ташкилотларида тарбияланаётган 5-7 ёшли болалар ўртасида “Қувноқ стартлар” спорт мусобақалари ўтказилди. Мусобақаларда ҳар бир таълим ташкилотларидан 5 тадан тарбияланувчилар иштирок этдилар. Мусобақалар якунига кўра 15 ва 36-сонли мактабгача таълим ташкилотларидан қатнашган жамоалар ғолибликни қўлга киритдилар. 

Бизни ижтимоий тармоқларда кузатинг
Facebook, Telegram