1. Бош сахифа
2. Янгиликлар

РАСМИЙ МУНОСАБАТ

×

Ижтимоий тармоқларга йўлланган танқидий мурожаат юзасидан “Агробанк” АТБ Фарғона вилоят бошқармаси Қўштепа филиали қўйидагиларни маълум қилади.

Банк кредитларни кредитлаш ёки молиялаштириш билан боғлиқ бошқа битимлар тузишда Марказий банкнинг 2020 йил 29 октябрдаги 3283–сонли Адлия вазирлигида рўйхатдан ўтказилган қарори билан тасдиқланган “Бир қарз олувчи, ўзаро алоқадор қарз олувчилар гуруҳи, шу жумладан, банкка алоқадор шахслар учун таваккалчиликнинг энг кўп миқдори тўғрисида”ги Низомнинг 1 банди 3 хат бошисида яқин қариндошлар – эр-хотин, фарзадлар, шу жумладан, фарзандликка олинганларни низом талабларига мувофиқлигини ҳамда қарз олувчининг фаолиятига сезиларли даражада таъсир кўрсатувчи барча алоқадор шахсларнинг фаолиятини тахлил қилиши шартлиги белгиланган.

Шунингдек, “Агробанк” АТБ Бошқаруви йиғилишининг 2022 йил 11 апрелдаги 22/4-сонли қарори билан тасдиқланган “Агробанк” акциядорлик тижорат банкининг Кредит сиёсатининг 24 бандида кредит олиш учун тақдим этилган аризаларни кўриб чиқиш жараёнида потенциал қарз олувчи ва/ёки биргаликда қарз олувчининг кредитга лаёқатлилигини аниқлаш (кредит рискини аниқлаш) автоматлаштирилган андеррайтининг (скоринг), 25 бандида банк кредит комиссияси ўз ваколати доирасида мижознинг кредитга лаёқатлиликни ўрнатилган тартибда таҳлил қилиб, кредит ажратилишини маъқуллаш ёки рад этиш мақсадга мувофиқлиги тўғрисида хулоса берилиши белгиланган.

Қўштепа тумани Қорақушчи маҳалла фуқаролар йиғини, Боғимайдон кўчасида яшовчи Комилов Умаржон Эсонжон ўғли 2022 йил 21 май кунги тикувчилик машиналарини сотиб олиш учун 13 000 минг сўм, миқдоридаги кредит маблағларини ажратиш тўғрисидаги аризаси «Агробанк» АТБ Қўштепа филиали кредит комиссияси томонидан ўз ваколати доирасида ўрганиб, кредитга лаёқатлиликни ўрнатилган тартибда таҳлил қилиб, юқоридаги низом бандларига кўра қарз олувчининг турмуш ўртоғи қарздор Комилова Мадинахон Алишер қизига 2018 йил 11 сентябр куни 3 йил муддатга 25 000,0 минг сўм тикув машинаси сотиб олиш учун кредит ажратилган. Қарздор Комилова Мадинахон Алишер қизи томонидан олинган кредитда 10 709,2 минг сўм муддати ўтган ва шу кунга қадар тўланмасдан келинмоқда. Бу эса ўз навбатида муаммоли кредитлар салмоғи ошишига сабаб бўлмоқда.

Юқоридагиларни инобатга олиб, кредит комиссияси мижознинг кредитга лаёқатлиликни ўрнатилган тартибда таҳлил қилиб, кредит ажратишни рад этиш мақсадга мувофиқлиги тўғрисида хулоса қилинган.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram