1. Бош сахифа
2. Янгиликлар

Мурувват кўнгилдан бошланади

×

Мамлакатимизда кексалар ва ногиронлар, ижтимоий ҳимояга муҳтож фуқароларни ҳар томонлама қўллаб-қувватлаш, уларнинг турмуш шароитини янада яхшилаш, муаммоларини ҳал этиш ва ҳаётдан рози бўлиб яшашига алоҳида эътибор қаратилмоқда.

Куни кеча Қўштепа туманидаги ногиронлиги бўлган хотин-қизларни ногиронлик аравачаси ва бошқа реабилитация воситалари билан таъминлаш мақсадида туман ҳокими, туман Халқ қабулхонаси мудири, туман прокурори, туман ҳокими ўринбосари, хотин-қизлар қўмитаси раиси ҳамда туман тиббиёт бирлашмаси бошлиғи биргаликда ногиронлиги бўлган фуқароларимизни хонадонларида бўлиб, уларни ҳолидан хабар олдилар ва уларга ногиронлик аравачаси, эшитиш мосламаси тарқатилди.

- Бундай эътибордан жуда ҳам хурсанд бўлдик – дейди Ферузахоннинг онаси. – Энди қизим ҳам ёстиқдан бош кўтариб, кўчага чиқа олади. Табиат гўзалликларидан баҳра олади. Бизга ғамхўрлик қилаётган юртбошимизга каттадан-катта раҳмат айтамиз.

Хонадон эгалари фарзандларига кўрсатилаётган эътибордан мамнун бўлиб, ташкилотчиларни дуо қилдилар.