1. Бош сахифа
2. Янгиликлар

ТУМАН ҲОКИМИ ОНАЛАРГА ЭҲТИРОМ КЎРСАТМОҚДА

×

Фарғона вилояти ҳокими Хайрулло Бозоровнинг ташаббуси билан бу йил вилоятимизда иккинчи марта “Оналарга эҳтиром” фестивали ўтказилмоқда. Бир неча кундир ушбу тадбирлар Қўштепа туманида ҳам кенг нишонланмоқда.

“Оналарга эҳтиром” фестивали доирасида туманимиздаги барча корхона ва ташкилотларда, таълим муассасаларида турли маънавий-маърифий тадбирлар, кўрик танловлар ташкилланмоқда. Шунингдек, фестивал доирасидаги тадбирлар мавжуд маҳалла фуқаролар йиғинларида ҳам зўр уюшқоқлик билан ўтказилмоқда.  

“Оналарга эҳтиром” фестивали доирасида туман ҳокими И.Новиков ва сектор раҳбарлари томонидан юртимиз равнақи йўлида самарали ва фидокорона меҳнат қилган ва қилаётган онахонларга, опа-сингилларга эҳтиром кўрсатилмоқда.

Бугун туман ҳокими И.Новиков ва ДХХ Марғилон шаҳар бўлими бошлиғи Ш.Хатамовлар жойларда бўлиб, давлат ва жамоат ишларида кўп йил самарали меҳнат қилиб, ҳозирда кексалик гаштини сураётган бир гуруҳ онахонларни манзилли йўқлаб, уларга самимий иззат-икром кўрсатишди. 

Бизни ижтимоий тармоқларда кузатинг
Facebook, Telegram