1. Бош сахифа
2. Янгиликлар

ЖИНОЯТ МУҲОКАМАСИ ЎТКАЗИЛДИ

×

Қўштепа тумани Эшонгузар маҳалласида жорий йил 11 май куни содир этилган қотиллик жинояти Фарғона вилояти прокурори Б.Исмолов, вилоят ИИБ бошлиғи М.Жўраев ва кенг жамоатчилик иштирокида муҳокама қилинди.

 Бўлиб ўтган муҳокама туман ҳокими И.Новиков ва сектор раҳбарлари, ҳуқуқни муҳофаза қилувчи орган ходимлари, Эшонгузар маҳалла фуқаролар йиғинининг масъуллари ҳамда маҳалла фаоллари иштирокида ўтказилди. 

Тадбирда жиноятни келтириб чиқарган сабаб ва омиллар тилга олиниб, келгусида шунга ўхшаш ҳолатларнинг содир этилишини олдини олиш, бу борада маҳалла ва тегишли ташкилот вакиллари ҳушёрлигини ошириш лозимлиги айтиб ўтилди.

Шунингдек, аҳоли ўртасида ҳуқуқбузарликларга муросасизлик муносабатини, жисмонан ва маънан соғлом турмуш тарзини шакллантириш, уларни қонунларга итоат руҳида тарбиялаш, ҳуқуқбузарлик ва жиноятлар содир этилишини олдини олиш мақсадида тегишли чора-тадбирлар белгилаб олинди.

Бизни ижтимоий тармоқларда кузатинг
Facebook, Telegram