1. Бош сахифа
2. Янгиликлар

ҚЎШТЕПАЛИК ҚИЗЛАР ЎЗБЕКИСТОН ЧЕМПИОНИ БЎЛДИЛАР

×

Спортнинг баскетбол тури бўйича аёллар ўртасида Ўзбекистон чемпионатининг 1-лига баҳсларининг финал босқичи Навоий вилоятида бўлиб ўтди.

Ўтказилган мусобақаларда вилоятимиз шаънини Қўштепа туманидаги 15-умумий ўрта таълим мактабининг ўқувчиларидан ташкил топган жамоа аъзолари ҳимоя қилдилар.

Финал баҳсида қизларимизнинг қўли баланд келиб фахрли 1-ўринни эгалладилар ва Ўзбекистон чемпионлигини қўлга киритдилар.

Эътиборли жиҳати шундаки, Ўзбекистон чемпиони бўлган қизларимизнинг 9 нафари Жисмоний тарбия факультети мавжуд бўлган олий ўқув юртларига давлат гранти (бюджет) асосида ўқишга кириш имкониятига эга бўлишди.

Бугун мактабда қувончли кун бўлди. Чемпион қизларимиз мусобақани якунлаб мактабга қайтдилар ва уларни кутиб олиш маросими бўлиб ўтди. Ушбу тантанали маросимга Қўштепа тумани ёшлар агентлиги раҳбари А.Абдумаликов, жисмоний тарбия бўлимидан Э.Усмонов, Янги дўкон маҳалла фуқаролар йиғини раиси Р.Юлдашева ҳамда чемпион қизларнинг ота-оналари ташриф буюрдилар. 

Тадбир иштирокчилари жамоа мураббийси А.Юсупов ҳамда жамоа аъзолари Ш.Мўсажонова, Н.Мамажонова, З.Хайитова, М.Адхамова, Н.Хабибуллаева, Ш.Олимжонова, М.Хакимжонова, О.Аминова, М.Эргашеваларни зўр ҳаяжон билан кутиб олдилар.

Тадбирда сўз олганларнинг барчаси жамоа аъзоларини улкан ғалаба билан қутлашиб, келгусида бунданда юқори чўққиларни забт этишларига тилак билдирдилар.

Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram