1. Бош сахифа
2. Янгиликлар

ЯНА БИР 50 ЎРИНЛИ НОДАВЛАТ МАКТАБГАЧА ТАЪЛИМ ТАШКИЛОТИ ЎЗ ФАОЛИЯТИНИ БОШЛАДИ

×

Оқтепа маҳалласидаги тадбиркор Н.Турсунова томонидан “Муҳлисaхон нурaфшон ёшлигим” нодавлат мактабгача таълим ташкилоти карантин қоидаларига амал қилган холда иш фаолиятини бошлади. Замонавий шароитлар ва барча қулайликларга эга бўлган мактабгача таълим ташкилотининг очилиши болажонларимиз ҳамда ҳудуд аҳолисининг қувончига сабаб бўлди.

Мактабгача таълим ташкилоти 50 ўринга мўлжалланган бўлиб, ҳудуддаги 3-7 ёшли болаларни сифатли таълим-тарбия бериш учун ўз бағрига қамраб олади.

Бугун болалар боғчасининг очилиш маросимида туман ҳокими И.Новиков, маҳалла фаоллари ҳамда нуроний отахон ва онахонлар иштирок этишди.

Тадбир давомида болажонлар томонидан тайёрланган мусиқий дастур намойиш этилди. Бугун боғчага илк бора қадам қўйган болакайлар тарбиячилари томонидан олиб борилган машғулотларда қатнашиб, ўйин майдончасида мириқиб ўйнадилар.

 Ушбу нодавлат мактабгача таълим ташкилоти келажагимиз давомчилари бўлмиш ёш авлодни тарбиялашда муҳим аҳамият касб этади.

Энг аҳамиятли жиҳати шундаки, ушбу боғчанинг очилиши муносабати билан маҳалладаги 6 нафар педагог ходимлар ҳам иш билан таъмиландилар.

  Қўштепа тумани ҳокимлиги Ахборот хизмати.

Бизни ижтимоий тармоқларда кузатинг
Facebook, Telegram