1. Бош сахифа
2. Янгиликлар

«Темир дафтар»га киритилган оилалар тадбиркорликка жалб этилмоқда

×

Пандемия шароитида коронавирус инфекцияси тарқалишини олдини олиш, ҳар бир фуқарони соғлиғини асраш, аҳоли бандлигини таъминлаш орқали барқарор даромад манбаларини шакллантириш, арзон ва сифатли озиқ-овқат захирасини яратиш бугуннинг муҳим масалаларидан ҳисобланади.

Пандемия сабаб юз бераётган қийинчиликларга қарамай, Қўштепа туманида бир қатор ижобий ишлар амалга оширилди. Хусусан, туманда эҳтиёжманд оилаларни қўллаб-қувватлаш борасида ҳам самарали ишлар олиб борилмоқда.

Туман ҳокими, 1-сектор раҳбари И.Новиков ва сектор раҳбарларининг ташаббуси билан туманда яна бир ҳайрли иш бошланди. Сектор аъзолари маҳалла фуқаролар йиғинлари ходимлари билан ҳамкорликда сектор штаби «темир дафтар»ига киритилган оилаларга ташриф буюрмоқдалар. Уларнинг оилавий шароитлари билан яқиндан танишиб, тадбиркорликка жалб этиш орқали камбағалликдан чиқариш мақсадида тарғибот тадбирларини олиб бормоқдалар.

Албатта, олиб борилаётган ушбу тарғибот тадбирлари ўз самарасини беради. Натижада «темир дафтар»га киритилган эҳтиёжманд оилаларнинг бандлиги таъминланди.

Қўштепа тумани ҳокимлиги Ахборот хизмати.