1. Бош сахифа
2. Янгиликлар

“Камалак юлдузлари” болалар ижодиёти фестивалининг туман босқичи ғолиблари аниқланди.

×

Қўштепа туманидаги 15-сонли болалар мусиқа ва санъат мактабида “Камалак юлдузлари” болалар ижодиёти фестивалининг туман босқичи ўтказилди.

Унда Ўзбекистон ёшлар иттифоқи туман Кенгаши раиси A.Aбдумаликов, туман ҳокими ўринбосари A.Юсупов, туман “Камалак” болалар ташкилоти раиси Д.Холиқов, ҳамкор ташкилот вакиллари ҳамда ёшлар иштирок этди.

Фестивални Ёшлар иттифоқи туман Кенгаши раиси A.Aбдумаликов очиб бериб, иштирокчиларни тадбир мақсади билан таништирди. Ёшларимизнинг миллий мафкуравий билимларини ошириш, миллий ғоя тарғиботи ва маънавий-маърифий ишлар натижадорлигини таъминлашда давлат ва жамоат ташкилотлари, ижодкор зиёлилар ролини кучайтириш, болалар ижтимоий фаоллигини ошириш борасида олиб борилаётган ишлар хусусида тўхталди.

Фестивалда тумандаги барча умумий ўрта таълим мактабларидан сараланган ўқувчилар 6 та номинация бўйича ўз истеъдодларини намойиш қилдилар.

Якуний натижаларга кўра, 13 нафар иштирокчилар ғолиб сифатида эътироф этилди ва вилоят босқичига йўлланмани қўлга киритди.

Ғолиблар диплом ва эсдалик совғалари билан тақдирланди.

Шоҳрух РAҲМОНБЕРДИЕВ,

Ёшлар иттифоқи туман Кенгаши бош мутахассиси