1. Bosh sahifa
2. Yangiliklar

USTA-SHOGIRD AN'ANALARI DAVOM ETADI

×

Qo’shtepa tumanining Sarmozor mahallasida yashovchi hunarmand Akramxon Yunusov sakkiz yildirki misgar-kandakorlik  bilan shug’ullanib kelmoqda.

Bu ishda unga o’g’llari yordam beradi. Farzandlari – Muhammadalixon va Muhammadyusufxon ota izidan bormoqdalar. Ular hali yosh bo’lishlariga qaramay darsdan bo’sh vaqtlarida bu san'atning zahmati va sirlarini otasidan o’rganmoqdalar.

Akramxon Yunusov o’z asarlarida noyob mis buyum yasash texnalogiyasini tikladi. Hunarmand hozirda ularni san'at darajasiga olib chiqmoqda. Uning ustaxonasidan tarixiy mis buyumlardan tortib, bugungi kunimizning zamonaviy buyumlari ham joy olgan. Hozirda u “Hunarmand” uyushmasi Qo’shtepa tumani bo’limining misgar-kandakorlik yo’nalishidagi a'zosi sifatida faoliyat ko’rsatib kelmoqda.

Bugun tuman hokimi Ilyosbek Novikov hunarmand Akramxon Yunusovning ustaxonasida bo’lib, uning ish faoliyati bilan yaqindan tanishdi. Tuman hokimi hunarmandga yaratilayotgan mis idishlar turlarini oshirish hamda tumanimizda usta-shogird an'analarini davom ettirish yuzasidan tegishli takliflarini berdi.

Qo’shtepa tumani hokimligi Axborot xizmati. 

Bizni ijtimoiy tarmoqlarda kuzating
Facebook, Telegram