1. Bosh sahifa
2. Yangiliklar

KUMUSH TOLA IJODKORLARI

×

Pilla - 2020

Qo’shtepa tumanida birinchilardan bo’lib Xo’jaqishloq maҳallasidagi pillakorlar “kumush tola” xomashyosini terishni boshladi.

Koronavirus pandemiyasi tarqalishini oldini olish maqsadida joriy etilgan karantin qoidalariga tumanda to’laligicha amal qilingan ҳolda mo’l pilla ҳosili yetishtirish uchun barcha zarur chora-tadbirlar amalga oshirildi.

Tumandagi ilg’or pillakorlar ҳosil yig’ishni allaqachon boshlab yubordi. Jumladan, “Xo’jaqishloq” maҳalla fuqarolar yig’inida yashovchi Latifaxon Yuldasheva oila a'zolari bilan birga berilgan ikki quti ipak qurti parvarishini obi-tobida va shubҳasiz, karantin talab va qoidalariga to’la amal qilgan ҳolda parvarishlab, davlatga 200 kilogaramm pilla topshirdilar.

Yana bir ilg’or pillakorlardan biri Gulchexraxon Xakimovalar oilasi ҳam “kumush tola”larni terib oldilar. Pillakorlar 30 gramm ipak qurti parvarishlab, 150 kilogramm pilla xomashyosini davlatga topshirdilar.

Qo’shtepalik pillakorlar joriy mavsumda tuman bo’yicha 102 tonnadan ziyod qimmatbaҳo xomashyo yetishtirish maqsadida astoydil meҳnat qilmoqdalar. Tuman pilla xirmoniga yilning ilk ҳosilining dastlabki namunalari kela boshladi. Umid qilamizki, “kumush tola” ijodkorlari o’z oldilariga qo’ygan rejalarini ortig’i bilan uddalaydilar.

Xirmoningizga baraka, qadri va qaddi baland Qo’shtepalik pillakorlar!

Qo‘shtepa tumani hokimligi Axborot xizmati