1. Bosh sahifa
2. Yangiliklar

Qo‘shtepa tumanida “Xalqaro nogironlar kuni” munosabati bilan bayram tadbiri tashkil etildi

×

Qo‘shtepa tumani hokimligining tashabbusi bilan 3-dekabr – Halqaro nogironlar kuni munosabati bilan “Sharqona” majmuasida nogironligi bo‘lgan shaxslar uchun bayram dasturxoni yozilib, madaniy tadbir tashkil etildi.

Tadbirni tuman hokimi A.Abdullayev ochib, yig‘ilgan mehmonlarni bayram bilan qutladi.

Shu kuni bayram dasturxoni atrofida 200 nafarga yaqin nogironligi bo‘lgan shaxslar va ularning yaqinlari  jam bo‘lishdi.

Tuman Madaniyat bo‘limining xushovoz xonandalari tomonidan ijro etilgan kuy-qo‘shiqlar barchaga birdek manzur bo‘ldi. Tadbirning barcha ishtirokchilariga esa tuman hokimligi va xomiylarning bayram sovg‘alari topshirildi.

Shuningdek, tumanimizdagi saxovatpesha tabdirkorlardan hisoblangan “Anas elektronik” MCHJ rahbari X.Abdullayevga tuman hokimligining tashakkurnomasi ham berildi.

Tadbir yakunida bayram qatnashchilari ko‘rsatilayotgan e’tibor va g‘amho‘rlik uchun tashkilotchilarga minnatdorchilik bildirdilar.

Bayram tadbirlari tumanimiz bo‘ylab davom etadi.