1. Bosh sahifa
2. Yangiliklar

14 yoshlik a’zosi Muhammadazizbek chorva boqishni sir-asrorlarini bobosidan o‘rganmoqda

×

Yurtimizda mehnat qilgan, izlangan odam hech qachon kam bo‘lmaydi. Bugungi kunda hovlisida qoramol, qo‘y-qo‘zi, parranda, quyon boqish bilan shug‘ullanib, o‘zining tinimsiz mehnati bilan yaxshi natijaga erishib kelayotganlar talaygina.

Patiddin Oxunov Qo‘shtepa tumanidagi “Xumdon” mahallasida yashaydi. Ular oilaviy chorvachilik bilan shug‘ullanib keladi. Ushbu oilaga faoliyatini rivojlantirish va qo‘shimcha daromad olishlari uchun mahalla hokim yordamchisining tavsiyasiga ko‘ra 33 million so‘m imtiyozli  kredit  ajratilgan.

Chorvachilik bilan shug‘ullanishni yo‘lga qo‘ygan oila vakillarining  mashaqqatli mehnati natijasida zotdor chorvalarning soni kundan-kunga ortib bormoqda. Eng muhimi ular mehnatlari ortidan yutuqlar ham erishib kelmoqda.

Oilaning 14 yoshlik a’zosi Muhammadazizbek chorva boqishni sir-asrorlarini bobosi Patiddin Oxunovdan o‘rganib kelmoqda.

Muhammadazizbek Patiddinov kuni kecha Andijon viloyatida o‘tkazilgan “Zottor qo‘ylar” tanlovida “Zalato‘y” laqabli qo‘yi bilan ishtirok etib, MDX davlatlari o‘rtasida faxrli 1-o‘rinni egalladi.