1. Bosh sahifa
2. Yangiliklar

Qo‘shtepada “Xalqqa yordam-oliy qadriyat” shiori ostida kouching tadbiri o‘tkazildi

×

Bugun Qo‘shtepa tumanidagi Madaniyat markazida tuman “Inson” ijtimoiy xizmatlar markazi tomonidan tayyorlangan “Xalqqa yordam – oliy qadriyat” shiori ostidagi kouching tadbir o‘tkazildi.

Tadbir ijtimoiy himoya tizimi xodimlari va fuqarolar o‘rtasida samarali muloqot o‘rnatish, aholining ijtimoiy himoyaga oid muammolarini hal etishda yangicha yondashuvlarni joriy etish maqsadida bo‘lib o‘tdi.

“Xalqqa yordam – oliy qadriyat” shiori ostida bo‘lib o‘tgan tadbirda “Inson” ijtimoiy xizmatlar markazining mas’ullari, mahallalarda faoliyat olib borayotgan ijtimoiy xodimlar hamda tumandagi 51 ta mahallalardan kelgan fuqarolar ishtirok etdilar.

Shuningdek, tadbir davomida tumandagi hunarmandlar tomonidan tayyorlangan hunarmandchilik mahsulotlari ko‘rgazmasi ham tashkil etildi. 

Tadbirda tuman hokimining o‘rinbosari A.Yusupov va Ijtimoiy himoya milliy agentligining viloyat boshqarmasi boshlig‘i (v.b) A.Salimovlar so‘zga chiqib tizimdagi yangiliklar, aholining ijtimoiy himoyaga muhtoj qatlami uchun yaratilayotgan qulayliklar va umuman, inson qadrini ulug‘lashga xizmat qiluvchi islohotlar samarasi xususida so‘z yuritishdi.

Qiziqarli trening va o‘zaro savol-javoblarni o‘zida jamlagan kouchingda tadbir ishtirokchilarining savollariga mutaxassislar tomonidan asosli javoblar berildi.