1. Bosh sahifa
2. Yangiliklar

Fan olimpiadasining tuman bosqichiga start berildi

×

Bugun Qo‘shtepa tuman maktabgacha va maktab ta’limi bo‘limiga qarashli 9-10-11-sinf o‘quvchilari o‘rtasida asosiy fan olimpiadasiga start berildi.

Tumandagi 50-umumta’lim maktabida tashkil etilgan tadbir 21 oktyabr – O‘zbek tili bayrami kuni shodiyonalariga ulanib ketdi.

Tadbirni tuman hokimining o‘rinbosari A.Yusupov ochib berdi. Ishtirokchilarni 21 oktyabr – O‘zbek tiliga davlat tili maqomi berilgan kun bilan tabriklab, fan olimpiadasida qatnashayotgan o‘quvchilarga omad tiladi. 

Tadbir davomida ushbu shodiyona munosabati bilan mezbon maktab jamoasi tomonidan “O‘zligimiz timsoli – ona tilim!” deb nomlangan musiqiy dastur namoyish etildi va tadbirdan so‘ng o‘quvchilar uchun fan olimpiadasiga start berildi.

Tashkil etilgan fan olimpiadasining birinchi kunini adolatli, shaffof va haqqoniy o‘tkazish bo‘yicha barcha zaruriy choralar ko‘rilgan bo‘lib, o‘quvchilar bilimi sinovdan o‘tkazildi. Jarayonlar fanlar kesimida qilingan taqsimot asosida 5 kun davom etadi.