1. Bosh sahifa
2. Yangiliklar

QO‘SHTEPADA YANGI ZAMONAVIY TUG‘RUQXONA BINOSI FOYDALANISHGA TOPSHIRILDI

×

Mustaqillik bayrami arafasida “Sohibkor” mahallasida tuman tibbiyot birlashmasiga qarashli 30 o‘ringa mo‘ljallangan yangi tug‘ruq bo‘limi foydalanishga topshirildi. 

Shu munosabat bilan tashkil etilgan tantanali tadbirda tuman hokimi Anvarjon Abdullayev, tuman sektorlari rahbarlari, tuman sog‘liqni saqlash tizimi mas’ullari va keng jamoatchilik vakillari qatnashdilar. 

Dastlab keksa nuroniylar, imom-xatiblar ishtirokida ezgu niyatlar qilinib, duoga qo‘l ochildi.

Tadbirning ochilish marosimida Qo‘shtepa tumani hokimi Anvarjon Abdullayev barcha yig‘ilganlarni ushbu tug‘ruqxona ochilishi bilan tabriklab, bu yerda kelajakda tug‘ilayotgan chaqaloqlar vatanga, elga foydasi tegadigan buyuk, komil insonlar bo‘lishini tiladi.

Shundan so‘ng tuman faollari va nuroniylar ishtirokida ramziy tasma qirqilib, mehmonlar yangi tug‘ruq bo‘limida yaratilgan shart-sharoitlar bilan tanishdilar.

30 o‘ringa mo‘ljallangan ikki qavatli tug‘ruqxona binosi qurilishi “VSO stroy holding” MChJ tomonidan olib borilib, 3 milliard so‘mdan ortiq mablag‘ xarajat qilindi. Shuningdek ona va chaqaloq sog‘lig‘ini muhofaza qilish uchun barcha sharoitlar yaratildi.

Bizni ijtimoiy tarmoqlarda kuzating
Facebook, Telegram