1. Bosh sahifa
2. Yangiliklar

ESHONGUZARDA YANGI TO‘YXONANING OCHILISH MAROSIMI BO‘LIB O‘TDI

×

Mustaqillik bayrami arafasida Qo‘shtepa tumanidagi “Eshonguzar” MFY hududida “Volidam” to‘yxonasi foydalanishga topshirildi.

“Humayro baxti” oilaviy korxonasi rahbari Sh.Teshaboyev tashabbusi bilan qurib bitkazilgan 500 o‘rinli to‘yxonaning ochilish marosimi chinakam bayramga aylandi. Unda tuman hokimi A.Abdullayev va mahalla faollari, nuroniylar ishtirok etishdi. Mehmonlarga dasturxon yozilib, 10 nafar ijtimoiy himoyaga muhtoj oila farzandlarining xatna to‘yi o‘tkazildi.

Tadbirda so‘z olgan tuman rahbari A.Abdullayev ishtirokchilarni mustaqillik bayrami bilan tabriklab, tadbirkorni va qishloq ahlini yangi inshootning foydalanishga topshirilishi bilan samimiy qutladi. Shuningdek tadbir davomida tuman hokimi ishtirokida to‘y bolalarga vilosiped va esdalik sovg‘alari topshirildi.

Mustaqillik bayrami arafasida o‘z faoliyatini boshlagan to‘yxonada 15 dan ortiq doimiy ish o‘rni yaratildi. Qolaversa tadbirkor Sh.Teshaboyev tomonidan yana qo‘shimcha o‘quv markazi hamda tikuvchilik tsexi tashkil etish ham rejalashtirilgan.

Bizni ijtimoiy tarmoqlarda kuzating
Facebook, Telegram