Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TUMAN HOKIMI TADBIRKORLAR FAOLIYATI BILAN YAQINDAN TANISHDI
2024-07-17 22:57:52 168
Qo‘shtepa tumani hokimi, 1-sektor rahbari Anvarjon Abdullayev tadbirkorlar bilan uchrashish, faoliyatlarini kengaytirishga ko‘maklashish, muammolariga yechim topish hamda “Sayxunobod tajribasi” asosida amalga oshirlayotgan ishlarni o‘rganish maqsadida “Oqtepa” mahallasida bo‘ldi.
Tuman rahbari hududdagi tadbirkorlar bilan uchrashib, ularga yaratilgan sharoitlar bilan yaqindan tanishdi.
Jumladan, mahalladagi “Turdubu Azizbek binafsha” mas’ulyati cheklangan jamiyati faoliyati o‘rganildi. MChJ tomonidan xozirgi kunda ovqatlanish hamda xizmat ko‘rsatish sohasida faoliyat olib borilmoqda va rahbar tomonidan 1.5 mld so‘m qiymatidagi 50 kvt gidroelektrostantsiya qurish loyihasi ishlab chiqilgan. Loyiha xujjatlarini to‘liq shakllantirish uchun hokim yordamchisiga topshiriq berildi.
“Isaqova Rohila” oilaviy korxonasi tomonidan maxsus kiyim kechaklar va oyoq kiyim poyabzallari ishlab chiqariladi. Suhbat davomida tadbirkor faoliyatini kengaytirish uchun tumandagi kichik sanoat zonasidan yer maydoni olish hamda xom ashyo uchun 100 mln so‘m imtiyozli kredit lozimligi aniqlanib, xujjatlarni rasmiylashtirish uchun hokim yordamchisiga topshiriq berildi.
Shuningdek tadbirkorlar Xaitvoy Mo‘minov, Sherzod Xamroqulov, Nargiza Boymirzayevalarning faoliyatlari ham o‘rganilib, ularning muammolarini bartaraf etish yuzasidan mas’ullarga tegishli ko‘rsatmalar berildi.
