1. Bosh sahifa
2. Yangiliklar

TARG‘IBOT TADBIRLARI DAVOM ETMOQDA

×

Qo‘shtepa tumani Oila va xotin-qizlar bo‘limi tashabbusi bilan mahallalarda o‘tkazilayotgan targ‘ibot tadbirlari davom etmoqda. Ana shunday tadbirlardan biri tumandagi 37-umumta’lim maktabida bo‘lib o‘tdi.

Sarmazor mahallasi Oqila ayollar harakati a’zolari, ko‘chaboshilar, dasturxonchilar ishtirokida bo‘lib o‘tgan tadbirda bugungi kunning dolzarb muammolari to‘g‘risida so‘z bordi.

Jumladan, oilalarda ijtimoiy-ma’naviy muhitni sog‘lomlashtirish, sog‘lom turmush tarzini shakllantirish, xotin-qizlar o‘rtasida jinoyatchilik va huquqbuzarliklarni oldini olish, erta turmush va erta, istalmagan xomiladorlikka yo‘l qo‘ymaslik va firibgarlikdan ogoh bo‘lish kabi masalalar muhokama qilindi.

Ochiq muloqot tarzida o‘tgan suhbatda tuman hokimining o‘rinbosari, Oila va xotin-qizlar bo‘limi boshlig‘i M. Yuldasheva, tuman IIB xotin-qizlar bo‘yicha katta inspektori, podpolkovnik M.Vaxapova, Oqila ayollar harakati rahbari D.Yusupova va tuman bosh otinoyisi M.O’rmonovalar ishtirok etishdi.

Bizni ijtimoiy tarmoqlarda kuzating
Facebook, Telegram