Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO‘SHTEPA TUMANIDAGI MASJIDLARDA HAM RAMAZON HAYITI MUNOSABATI BILAN BAYRAM NAMOZI ADO ETILDI
2024-04-10 09:08:57 262
Ramazon hayiti munosabati bilan yurtimizdagi barcha mo‘min-musulmonlar qatori qo‘shtepaliklar ham erta tongdan masjidlarda hayit namozini o‘qishdi.
Namozxonlarga qulaylik yaratish maqsadida barcha zarur ishlar amalga oshirildi. Masjidlarga tutash ko‘chalar vaqtincha yopilib, namozxonlar uchun joy ajratildi. Ichki ishlar, sog‘liqni saqlash va boshqa mutasaddi idoralar vakillari navbatchiligi tashkil etildi.
Ayyom arafasida bayramni munosib kutib olishga o‘ziga xos taraddud ko‘rildi. Aholi yashash joylari, ko‘chalar, xiyobonlar, masjidlar, muqaddas qadamjolar, qabristonlar hamda ularning atrofi tartibga keltirilib, obodonlashtirish ishlari amalga oshirildi.
Albatta, bunday xayrli amallar xalqimiz o‘rtasida mehr-oqibat rishtalari hamda tinchlik-totuvlik, o‘zaro hamjihatlik muhitining mustahkamlanishiga xizmat qiladi.
Xalqimiz uchun ezgulik va muruvvat, ruhiy poklanish oyi hisoblangan ushbu qutlug‘ kunlarda tumandoshlarimiz tomonidan yurt tinchligi, xalq farovonligi yo‘lida duolar qilindi.
