1. Bosh sahifa
2. Yangiliklar

TUMAN HOKIMI HUDUDLARDA OLIB BORILAYOTGAN ISHLAR BILAN TANISHDI

×

Qo‘shtepa tumanida ham barcha mahallalarda keng qamrovli obodonlashtirish va ko‘kalamzorlashtirish tadbirlari tashkil etilmoqda.

Obodonlashtirish ishlari jarayonida mahallalar, hovlilar atrofi, ziyoratgoh va qabristonlarni tartibga keltirish, chiqindilarni belgilangan joyga chiqarib tashlash, ko‘chalarni ta’mirlashga alohida e’tibor qaratilmoqda. Katta-yu kichik aholi vakillari ushbu ezgu tadbirda faol qatnashmoqda.

Bugun tuman hokimi Anvarjon Abdullayev Istiqlol, Dehqonobod, Shahartepa, Loyson, Shomirza, Borot va Paxtakor mahallalari hududidan o‘tuvchi “Marg‘ilon – Yozyovon” yo‘li yoqasida aholi va obodonlashtirish boshqarmasi xodimlari tomonidan olib borilayotgan keng ko‘lamli ishlar bilan tanishdi.

Tuman rahbari tomonidan mas’ullarga tegishli ko‘rsatmalar berilib, 16-18 mart kunlari o‘tkaziladigan umumxalq hasharini ham huddi shunday ko‘tarinki ruhda o‘tkazish, katta yo‘l chetlaridagi obodonlashtirish ishlarini davom ettirish, yo‘l chetidagi daraxtlarga shakl berish hamda oqlash kerakligi bo‘yicha tushunchalar berildi.

Bizni ijtimoiy tarmoqlarda kuzating
Facebook, Telegram