1. Bosh sahifa
2. Yangiliklar

KO‘NGILLARGA QUVONCH ULASHILDI

×

Ko‘makka muhtoj insonlarga yordamlashish, ularga saxovat ko‘rsatish xalqimizning azaliy qadriyatlaridan hisoblanadi. 8 mart – Xalqaro xotin-qizlar kuni arafasida Qo‘shtepa tumanida keksalar, nogiron, yakka yolg‘iz yashovchi hamda kam ta’minlangan oilalardagi xotin-qizlar holidan xabar olinmoqda.

Bu borada tuman Inson ijtimoiy xizmatlar markazi tomonidan ijtimoiy himoyaga muhtoj, yakka yolg‘iz yashovchi keksalarni qo‘llab-quvvatlashga qaratilgan qator tadbirlar e’tiborga molik.

Bayram munosabati bilan Qo‘shtepa tumani Inson ijtimoiy xizmatlar markazining mas’ullari tomonidan bir guruh o‘zgalar parvarishiga muxtoj yolg‘iz yashovchi xotin-qizlar va nogironligi bor shaxslar reestrida turgan ayollar xolidan xabar olinib, ularning ko‘ngillariga quvonch ulashildi.

Bunday tadbirlar O’qchi mahallasida ham davom ettirilib, mahallaning mas’ullari tomonidan hududdagi yolg‘iz yashovchi keksalar holidan xabar olindi.

Bizni ijtimoiy tarmoqlarda kuzating
Facebook, Telegram