1. Bosh sahifa
2. Yangiliklar

QO‘SHTEPA TUMANIDA VILOYAT SEKTOR RAHBARLARI OMMAVIY SAYYOR QABUL O‘TKAZDI

×

Mamlakatimizda xalq bilan muloqot qilish, aholini o‘ylantirayotgan muammolarga tezkor va joyida yechim topishning zamonaviy va samarali mexanizmi yo‘lga qo‘yilgani odamlarning adolatga, davlatga, ertangi kunga ishonchini mustahkamlamoqda.

Xususan, bugun Qo‘shtepa tumanidagi Madaniyat markazida viloyat sektor rahbarlari va viloyat sudining raisi ishtirokida Farg‘ona hududidagi fuqarolar uchun ommaviy sayyor qabul o‘tkazildi.

Sayyor qabulda viloyat korxona va boshqarma rahbarlari, tuman hokimi, sektor rahbarlari, hududda faoliyat olib borayotgan korxona va tashkilotlarning rahbarlari ishtirok etishdi.

Ommaviy sayyor qabul davomida fuqarolarning turli mazmundagi murojaati birma-bir tinglandi va murojaatning ijrosi yuzasidan muddatlar belgilanib, alohida nazoratga olindi.

Bunday tadbirlar fuqarolarning roziligini ta’minlash va aholining davlat idoralariga bo‘lgan ishonchini yanada mustahkamlashiga xizmat qiladi, albatta.

Bizni ijtimoiy tarmoqlarda kuzating
Facebook, Telegram