Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
NAVBATDAGI SESSIYA BO‘LIB O‘TDI
2023-10-27 21:10:24 456
Qo‘shtepa tumani hokimligining katta majlislar zalida xalq deputatlari tuman Kengashining navbatdagi oltmish birinchi sessiyasi bo‘lib o‘tdi. Sessiya ishida xalq deputatlari tuman Kengashi deputatlari, sektor rahbarlari, tuman hokimining o‘rinbosarlari, siyosiy partiyalar rahbarlari, tashkilotlar rahbarlari hamda ommaviy axborot vositalari vakillari ishtirok etdilar.
Sessiya ishini Xalq deputatlari tuman Kengashi raisi Ilyosbek Novikov olib bordi.
Dastlab sessiya kun tartibidagi birinchi masala yuzasidan sektor rahbarlarining hisobotlari tinglandi.
Shuningdek sessiya davomida tuman Ichki ishlar bo‘limi boshlig‘i Iqboljon Xamroqulov, O’zbekiston Respublikasi Prezidentining tumandagi Xalq qabulxonasi mudiri Zokirjon To‘laganov, tuman Iqtisodiyot va moliya bo‘limi boshlig‘i Ibroximjon Akbarov, tuman hokimi o‘rinbosari, Oila va xotin-qizlar bo‘limi boshlig‘i Maryamxon Yuldashevalarning axborot va hisobotlari ham tinglandi.
Kun tartibi bo‘yicha sessiyada ko‘rib chiqilgan masalalar yuzasidan deputatlar o‘zlarini qiziqtirgan savollarga ma’ruzachilardan javoblar oldilar.
Sessiyada ko‘rib chiqilgan masalalar yuzasidan Xalq deputatlari tuman kengashining tegishli qarorlari qabul qilindi.
