1. Bosh sahifa
2. Yangiliklar

JAHOLATGA QARSHI MA’RIFAT BILAN

×

Qo‘shtepa tumanidagi Madaniyat markazida tumanda ijtimoiy-ma’naviy hamda diniy muxitni yanada sog‘lomlashtirish, diniy ekstremizm, terrorizm, aqidaparastlik, missionerlik va millatlararo bag‘rikenglikni ta’minlash maqsadida “Jaholatga qarshi ma’rifat” mavzusida ma’naviy-ma’rifiy tadbir bo‘lib o‘tdi. 

Mahalla fuqarolar yig‘ini raislari, hokim yordamchilari, xotin-qizlar faollari, yoshlar yetakchilari, shuningdek, mas’ul idoralarning rahbarlari ishtirokida o‘tkazilgan tadbirda tuman hokimining o‘rinbosarlari, viloyat hokimligi kotibiyat mudiri M.Xolmatov hamda Respublika ma’naviyat targ‘ibotchisi Sh.Turdiboyevlar qatnashdilar.

Tadbirda so‘z olganlar bunday tadbirlarning ahamiyati haqida batafsil to‘xtalib o‘tishdi. Shuningdek, suhbat davomida Respublika ma’naviyat targ‘ibotchisi Sh.Turdiboyev yoshlardagi ma’naviy bo‘shliqni to‘ldirish uchun ularni turli tajovuzlardan himoya qilish, ularning qalbida Vatanimizga bo‘lgan muhabbatni yanada kuchaytirish, buyuk tariximizni, milliy urf-odatlarimizni ularning qalblariga singdirish, islom dinining mohiyati, din niqobi ostidagi harakatlar, dunyodagi vaziyat, yurtimizda hukm surayotgan tinchlik-xotirjamlik, diniy bag‘rikenglik va millatlararo totuvlik haqida batafsil ma’lumotlar berdi.

Tadbir davomida tarbiyaviy ruhdagi “Tinchlik qadri” deb nomlangan videorolik ham namoyish etildi.

Bizni ijtimoiy tarmoqlarda kuzating
Facebook, Telegram