1. Bosh sahifa
2. Yangiliklar

 “XON ATLAS” FESTIVALI DOIRASIDA MA’NAVIY-MA’RIFIY TADBIR TASHKIL ETILDI (FOTO)

×

Atlas va adras kabi ko‘zni quvnatadigan, yorqin ranglari, takrorlanmas naqshlari bilan kishiga xush kayfiyat bag‘ishlaydigan milliy matolarimizning muxlislari nafaqat yurtimizda, balki butun dunyoda topiladi. Darhaqiqat, bugun Ixtisoslashtirilgan ta’lim muassasalari agentligi tizimidagi Qo‘shtepa Prezident maktabida “Xon atlas” festivali doirasida bo‘lib o‘tgan ma’naviy-ma’rifiy tadbirda bunga yana bir bor guvoh bo‘lindi.

Tadbirda tuman hokimligi hamda Ma’naviyat va ma’rifat markazi tuman bo‘linmasining mas’ullari ham ishtirok etishdi.

Tadbirda so‘z olgan tuman hokimining o‘rinbosari M.Yuldasheva yorqin, nafis va serjilo xon atlas va qizlar o‘rtasida o‘zbekona kiyinish madaniyati haqida o‘z fikrlarini bildirib o‘tdi.

Albatta bu tadbir yoshlarda O’zbek milliy liboslariga mehr uyg‘otish va ommalashtirish, zamonaviy kiyinishda o‘zbekona sharm-hayo me’yorlarini targ‘ib qilish, o‘zbekona kiyinish madaniyatini yuksaltirish maqsadida o‘tkazildi.

Maktab o‘quvchilari o‘rtasida tashkil etilgan tadbirda milliy an’analar, qadriyatlar asosida tumandagi chevarlar tomonidan atlas matosidan tikilgan liboslar ko‘rgazmasi namoyish etildi. Shuningdek, ishtirokchilarga o‘zbek milliy matolari haqida tarixiy ma’lumotlar berilib, o‘quvchilarning badiiy chiqishlari namoyish etildi.

Bizni ijtimoiy tarmoqlarda kuzating
Facebook, Telegram