1. Bosh sahifa
2. Yangiliklar

KO‘PRIKBOSHI MAHALLASIDA AHOLIGA QULAYLIKLAR YARATILMOQDA

×

Qo‘shtepa tumanidagi Ko‘prikboshi MFYdagi 618 xonadonda 3 mingdan ziyod aholi istiqomat qiladi. Aynan Davlat rahbarining qaroriga asosan ajratilgan respublika byudjeti mablag‘lari evaziga mahalladagi muammolar bosqichma-bosqich hal etilmoqda.

Bugungi kunda ajratilgan 6 milliard so‘m evaziga 6 kilometr ichki ko‘chalarga yangi suv tarmoqlari tortish hamda 300 metr chuqurlikdan quduq qazish ishlari olib borilmoqda. Suv qudug‘i qazilgach bitta 25 tonna suv sig‘imiga ega inshoat o‘rnatiladi. Shu kungacha mahallaning 30 foiz aholisi ichimlik suvi bilan ta’minlangan bo‘lsa, yangi tarmoq tortish ishlari yakuniga yetkazilgach suvlashgan xonadonlar soni 70 foizga yetadi.

E’tiborlisi, ichimlik tarmog‘i tortish ishlaridan so‘ng mahallaning 3 kilometr ichki ko‘chalariga asfalt qoplamasi yotqizish boshlanadi.

Bizni ijtimoiy tarmoqlarda kuzating
Facebook, Telegram