1. Bosh sahifa
2. Yangiliklar

“HOKIM VA BITIRUVCHI YOSHLAR UCHRASHUVI”DA OLTIN VA KUMUSH MEDALLAR O‘Z EGALARIGA TOPSHIRILDI

×

Qo‘shtepa tumani hokimligining majlislar zalida tuman maktabgacha va maktab ta’limi bo‘limiga qarashli umumta’lim maktablarining iqtidorli bitiruvchilariga oltin va kumush medallarni topshirish marosimi bo‘lib o‘tdi.

Yakunlangan 2022/2023 o‘quv yilida tuman bo‘yicha umumta’lim maktablarini jami 2200 nafar o‘quvchi bitirgan bo‘lsa, shundan 24 nafari oltin medalga va 5 nafari kumush medalga munosib, deb topildi.

Tadbirda tumandagi sektor rahbarlari, tuman maktabgacha va maktab ta’limi bӯlimining mas’ullari hamda bitiruvchi sinf o‘quvchilarning ota-onalari, ustozlari ishtirok etishdi. 

Tuman hokimi Ilyosbek Novkov tadbirda so‘z olib mamlakatimizda barkamol avlodni shakllantirish, yoshlarni ma’naviy-axloqiy va jismonan sog‘lom etib tarbiyalash, ularni olib borilayotgan islohotlarning faol ishtirokchisiga aylantirishga qaratilgan keng ko‘lamli chora-tadbirlar izchil amalga oshirilayotganini e’tirof etdi.

Bizni ijtimoiy tarmoqlarda kuzating
Facebook, Telegram