Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
MEHNAT YARMARKASIDA 100 NAFARDAN ZIYOD XOTIN-QIZLAR ISHGA JOYLASHDI
2023-06-01 11:27:03 185
Ishsiz va band bo‘lmagan fuqarolar, ayniqsa, xotin-qizlar va yoshlarning bandligiga ko‘maklashish maqsadida tuman hokimligi hamda Aholi bandligiga ko‘maklashish markazi bilan hamkorlikda Qo‘shtepa tumanidagi “Fergana Global Textile infinity” korxonasida “Bo‘sh ish o‘rinlari mehnat yarmarkasi” tashkil etildi. Unda ishlash istagida bo‘lgan “Ayollar daftari” va “Yoshlar daftari”da ro‘yxatga olingan hamda ishsiz xotin-qizlar ishtirok etishdi.
Mehnat yarmarkasi korxonaning majlislar zalida tuman hokimi I.Novikov, tuman prokurori A.Xudoyberganov hamda korxonaning mutassadilari ishtirokida ochiq muloqot tarzida o‘tkazildi.
Korxonada ishlash istagida bo‘lganlar bevosita bu yerda ishchilarga yaratilgan shart-sharoitlar bilan tanishib, o‘zlarini qiziqtirgan savollarga tegishlicha javob olishdi.
Mazkur mehnat yarmarkasida “Fergana Global Textile infinity” korxonasida ishlash istagida bo‘lgan 250 nafardan ziyod ayollar ishtirok etishgan bo‘lsa, ularning 114 nafari shu yerning o‘zida ishga joylashdi.
