1. Bosh sahifa
2. Yangiliklar

XALQ ICHIDA BO‘L: SEKTOR RAHBARLARI QIYQI MAHALLASIDA SAYYOR QABUL O‘TKAZDI

×

Bugun, Qo‘shtepa tumanidagi Qiyqi mahallasida tuman hokimi I.Novikov, sektor rahbarlari hamda tuman Xalq qabulxonasi mudiri Z.To‘laganov ishtirokida sayyor qabul o‘tkazildi. Shuningdek, qabulda tumandagi korxona-tashkilot rahbarlari ham ishtirok etishdi.

Muammolar yuzma-yuz, oshkora aytilgan uchrashuvda 30 nafardan ortiq fuqarolarning murojaat va takliflari tinglandi.

Qabul davomida fuqarolar tomonidan asosan uy-joy olish, tibbiyot, elektr energiyasi, bandlik, gaz balon olish va boshqa masalalar yuzasidan murojaatlar kelib tushdi.

Barcha murojaatlar tegishli tartibda ro‘yxatga olindi. YEchimi oson bo‘lgan gaz balon olish istagidagi bir nafar, sog‘ligini tiklash uchun murojaat qilgan uch nafar fuqarolarning muammolari joyida hal etildi. Ayrim murojaatlar huquqiy maslahat va tushunchalar bilan qoniqtirildi. Muddat talab etiluvchi murojaatlar esa hal etish uchun tegishli mutasaddilarga biriktirilib, nazoratga olindi.

Bizni ijtimoiy tarmoqlarda kuzating
Facebook, Telegram