Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
YANGI MAKTAB BINOSI FOYDALANISHGA TOPSHIRILDI
2023-04-05 13:07:27 208
Bugun, Qo‘shtepa tumani G’ishtmon mahalla fuqarolar yig‘ini hududidagi 14-umumta’lim maktabining Badish qishlog‘idagi filiali foydalanishga topshirildi.
Ushbu 14-umumta’lim maktabining filiali 50 o‘rinli bo‘lib, moslashtirilgan binoda faoliyat olib borar, o‘qituvchi va o‘quvchilarning yangi maktabga ehtiyojlari bor edi. Bugun ana shu orzu amalga oshdi.
Mahalliy byudjet mablag‘lari hisobidan loyiha uchun 1 milliard 80 million so‘m mablag‘ ajratilib, 90 o‘rinli yangi va zamonaviy ko‘rinishdagi maktab binosi qurib bitkazildi. Qurilish ishlari “Vodiy stroy siti” MChJ tomonidan olib borildi.
Maktabning ochilish marosimida mahalla faollari, jamoatchilik vakillari hamda murabbiy va o‘qituvchilar ishtirok etishdi.
Tadbirda tuman hokimi Ilyosbek Novikov so‘z olib, jamoani tabrikladi. Shuningdek, davlatimiz rahbarining tashabbusi bilan mamlakatimizda xalq ta’limi tizimida amalga oshirilayotgan islohotlar jarayonida umumta’lim maktablari uchun yangi zamonaviy binolar qurilishiga katta e’tibor qaratilayotgani, sohadagi ko‘p yillik muammolar hal etilayotgani takidlab o‘tdi.
Maktab o‘quvchilari tomonidan tayyorlangan musiqiy dasturdan so‘ng, tadbir ishtirokchilari bu yerda yoshlarning o‘qib, bilim olishlari uchun yaratilgan shart-sharoitlar bilan yaqindan tanishdilar.
