Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO‘SHTEPADA “MAHALLA TIZIMI XODIMLARI KUNI” NISHONLANDI
2023-03-22 15:19:36 238
Davlatimiz rahbari tomonidan mahalla institutining jamiyatimiz ijtimoiy-ma’naviy hayotida tutgan o‘rnini hisobga olib, soha xodimlarini qo‘llab-quvvatlash maqsadida 22 mart – “Mahalla tizimi xodimlari kuni” deb e’lon qilingan edi.
Shu munosabat bilan bugun Qo‘shtepa tumanidagi “G’ishtmon madaniyat uyi”da mazkur sanaga bag‘ishlangan bayram tadbiri tashkil etildi.
Unda tuman hokimi I.Novikov va sektor rahbarlari, mas’ul idoralarning rahbarlari hamda mahalla tizimida namunali faoliyat yuritib kelayotgan beshlik xodimlari, nuroniylar va mahalla faollari ishtirok etishdi.
Tadbirda tuman hokimi I.Novikov mahalla xodimlarini qo‘shaloq bayram bilan samimiy muborakbod etib, ularga mustahkam sog‘liq, xonadonlariga fayz-u baraka, mas’uliyatli va serqirra faoliyatlarida yangi yutuq va omadlar tiladi.
Tadbirda o‘z vazifasini munosib darajada bajargan soha fidoiylari tuman hokimligining faxriy yorliqlari va esdalik sovg‘alari bilan taqdirlandilar. Shuningdek, Qo‘shtepa farzandi, Marg‘ilon shahridagi Erkin Vohidov nomidagi ijod maktabining 11-sinf o‘quvchisi - Zulfiya nomidagi Davlat mukofoti sovrindori Nilufarxon Ergashevaga ham tuman hokimligining faxriy yorlig‘i va esdalik sovg‘asi topshirildi.
Tadbir doirasida Madaniyat uyining xovlisida bayram dasturxoni yozildi. Madaniyat markazi san’atkorlari tomonidan betakror kuy-qo‘shiqlar ijro etilib, yig‘ilganlarga bahoriy kayfiyat ulashildi.
