Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
MAKTABGACHA TA’LIM TASHKILOTLARIDA “NAVRO‘Z” BAYRAMI NISHONLANMOQDA
2023-03-16 08:53:48 386
Barcha joylarda bo‘lgani kabi Qo‘shtepa tumanidagi maktabgacha ta’lim tashkilotlarida ham milliy bayramimiz “Navro‘z” keng nishonlanmoqda.
18-sonli maktabgacha ta’lim tashkilotida bo‘lib o‘tgan tadbirda tuman hokimi I.Novikov va sektor rahbarlari ham ishtirok etishdi. Tadbirda so‘z olgan tuman rahbari barcha ishtirokchilarni Navro‘z bayrami bilan tabriklab, ezgu tilaklar bildirdi.
“Har kuning Navro‘z bo‘lsin jonajon O’zbekistonim!” shiori ostida bo‘lib o‘tgan ma’naviy-ma’rifiy tadbirda bolajonlar tomonidan tayyorlangan, milliy urf-udumlarimizni o‘zida namoyon etgan turli musiqa va raqslar, bellashuvlar, teatr sahna ko‘rinishlari namoyish etildi.
Ochiq osmon ostida o‘tkazilgan bayram tomoshalari davomida sumalak taomi ko‘rgazmasi ham tashkil etilib, uning kelib chiqishi, tayyorlanishi va foydali jihatlari to‘g‘risida bolalarga tushunchalar berildi.
Tadbir so‘ngida faol ishtirokchilarga esdalik sovg‘alari topshirildi.
“Navro‘z” bayramiga bag‘ishlangan bu kabi tadbirlar tumandagi barcha maktabgacha ta’lim tashkilotlarida bo‘lib o‘tmoqda.
