1. Bosh sahifa
2. Yangiliklar

QO‘SHTEPA TUMANIDA “NET WORK SHOP” ELEKTRON TIJORAT PLATFORMASINING TAQDIMOTI O‘TKAZILDI

×

Qo‘shtepa tumani hokimligining kichik majlislar zalida tumandagi tadbirkorlar, eksportyorlar va hunarmandalar ishtirokida “Net Work Shop” elektron tijorat platformasining taqdimoti o‘tkazilib, mazkur platforma haqida ishtirokchilarga batafsil ma’lumotlar berildi.

“Buvayda Network” MChJ tomonidan yaratilgan mazkur elektron platforma, – deydi Investitsiyalar, sanoat va savdo bo‘limi boshlig‘i - tuman hokimi o‘rinbosari R.Poziljonov. – O’zbekistondagi kichik va o‘rta eksportyor kompaniyalarga o‘z mahsulotlarini eksport qilishni tashkil etish uchun ishonchli va muvaffaqiyatli xorijiy hamkorlarni osonlik bilan onlayn tarzda topish imkonini beradi. Buning natijasida esa eksport geografiyasining kengayishi, eksport hajmi o‘sishi va umuman mamlakat iqtisodiyoti rivojlanishiga erishiladi.

Tadbirda Farg‘ona viloyati Investitsiyalar, sanoat va savdo boshqarmasi boshlig‘i o‘rinbosari A.Mirzayev, “Net Work Shop” elektron tijorat platformasi asoschisi A.Ergashev hamda Investitsiyalar, sanoat va savdo bo‘limi boshlig‘i - tuman hokimi o‘rinbosari R.Poziljonovlar ishtirok etdi.  

Bizni ijtimoiy tarmoqlarda kuzating
Facebook, Telegram