1. Bosh sahifa
2. Yangiliklar

DEPUTAT BILAN UCHRASHUV

×

Qo‘shtepa tumanidagi 2-sonli kasb-hunar maktabida Oliy Majlis Qonunchilik palatasi deputati Sh.Rahimov o‘z saylovchilari bilan uchrashdi. Tadbirda xalq deputatlari Qo‘shtepa tuman Kengashi kotibiyat mudiri B.Axmadjonov va tuman Kengashi deputatlari ham ishtirok etishdi.

Uchrashuv chog‘ida Sh.Rahimov Prezidentimizning Oliy Majlis va xalqimizga yo‘llagan Murojaatnomasida ilgari surilgan ustuvor vazifalar, tashabbuslar xususida to‘xtalib o‘tdi. 

Shuningdek deputat Prezidentimiz hamda hukumat tomonidan yangi qabul qilingan qarorlar va qonunlar mazmun-mohiyati bilan yig‘ilganlarni yaqindan tanishtirdi.

Uchrashuvda fuqarolardan yo‘l qurilishi va suv ta’minoti, maktabgacha ta’lim tashkiloti, umumta’lim maktablarining ta’mirlanishi hamda boshqa masalalarda murojaatlar bo‘ldi. Deputat fuqarolar tomonidan berilgan savollar, muammolar yuzasidan o‘zining fikrlarini bildirdi. 

Bizni ijtimoiy tarmoqlarda kuzating
Facebook, Telegram