Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
HOKIM YORDAMCHILARI – XALQQA KO’MAKDOSH
2022-11-07 13:32:48 90
QISQA SATRLARDA...
Solijonobod MFYdagi hokim yordamchisi Sh.Rahmonovning ko‘magida Yuksalish ko‘chasida yashovchi N.Mo‘minovaga “Har bir oila – tadbirkor” dasturi asosida oilaviy tadbirkorlik faoliyatini yo‘lga qo‘yish maqsadida imtiyozli kredit mablag‘lari hisobidan tikuv mashinalari olib berildi va fuqaroning bandligi ta’minlandi.
Yangiariq MFYdagi hokim yordamchisi S.Odilovning tavsiyasiga ko‘ra Yangibo‘ston ko‘chasida istiqomat qiluvchi G’.Mamadjonovga oilaviy tadbirkorlikni rivojlantirish uchun kredit asosida tikuv mashinasi hamda xom ashyo materiallari berilib, 3 nafar fuqaroning bandligi ta’minlandi.
Yo‘ldoshobod MFYdagi hokim yordamchisi D.Ibrohimovning yordami bilan Toshbuloq ko‘chasida yashovchi A.Ibrohimovga imtiyozli kredit hisobiga issiqxona qurib berildi.
Qiyqi MFYdagi hokim yordamchisi B.Taniqulovning sa’y-harakati bilan Sardoba, Chinortepa ko‘chalarida 150 dona tayanch stolba, 2 ta TP o‘rnatish ishlari olib borilmoqda. Huddi shuningdek, Loyson mahallasidagi Dilkash va Shodlik mahallasidagi ichki yo‘llarda shag‘allashtirish ishlari amalga oshirilmoqda. Oqtepa mahallasida esa aholi uchun toza ichimlik suvi tortish ishlari amalga oshirilmoqda.
“Baland masjid” MFYdagi hokim yordamchisi A.Teshaboyevning tavsiyasiga ko‘ra Navro‘z ko‘chasida istiqomat qiluvchi fuqaro R.Isaqovga “Har bir oila tadbirkor” dasturi doirasida hunarmandchilikni rivojlantirish uchun imtiyozli kredit ajratib berildi.
Bo‘ston MFYdagi hokim yordamchi A.Tavakkalovning ko‘magida Nokzor ko‘chasida yashovchi M.Ergashevga imtiyozli kredit ajratish hisobiga ishlab chiqarish dastgohi olib berilib, uning bandligi ta’minlandi.
