1. Bosh sahifa
2. Yangiliklar

PAXTA YIG‘IM-TERIMI MAVSUMINI UYUSHQOQLIK BILAN TASHKIL ETISHGA BAG‘ISHLANGAN SEMINAR BO‘LIB O‘TDI

×

Bugun, Qo‘shtepa tumanida paxta yig‘im-terimi mavsumini uyushqoqlik bilan tashkil etishga bag‘ishlangan seminar bo‘lib o‘tdi. Unda sektor rahbarlari, tuman hokimining o‘rinbosarlari, shuningdek, mavjud fermer xo‘jaliklari rahbarlari, tegishli mas’ul idoralarning rahbarlari va mahallalardagi faol ayollar qatnashdilar.

Paxta terimi oldidan defoliatsiyalash ishlarini amalga oshirish, joriy yilgi paxta yig‘im-terimi mavsumini uyushqoqlik bilan tashkil etish, yetishtirilgan hosilni nes-nobud qilmasdan o‘z vaqtida va sifatli yig‘ib-terib olish, shuningdek g‘alla ekishni o‘z vaqtida va sifatli o‘tkazish masalalariga bag‘ishlangan ko‘rgazmali seminarda iiloyat hokimi Xayrullo Bozorov, viloyat prokurori Baxtiyor Ismoilov, viloyat ichki ishlar boshqarmasi boshlig‘i Muhiddin Jo‘rayevlar ishtirok etishdi.

Seminar davomida defoliatsiya qilish, terim mavsumini to‘g‘ri tashkil qilish, kelgusi yil uchun g‘alla ekish ishlarini tashkil qilish ekanligiga e’tibor qaratildi. Paxta yig‘im-terimiga kirishish oldidagi so‘nggi agrotexnik tadbirlarni to‘g‘ri amalga oshirish, g‘o‘za maydonlarini defoliatsiyalashni g‘o‘zaning biologik yetilganligiga qarab o‘z muddatida va sifatli o‘tkazish, qo‘llaniladigan defoliantlarni to‘g‘ri tanlash bo‘yicha tavsiyalar berildi.

Qo‘shtepa tumanida bu yil ham paxta yig‘im-terimiga puxta tayyorgarlik ko‘rilib, transport va traktorlar shay xolatga keltirildi. Qolaversa,  yopinchiq, etak, tarozi, qozon-o‘choq, samovor, suv saqlash boklar ham mavsumga tayyorlab qo‘yildi. Tashkil etilgan otryad rahbarlariga 2 million so‘mdan pul mablag‘lari berilmoqda.

Tadbirdan so‘ng Qur’on tilovat qilinib, jonliq so‘yildi. Yurtimizga tinchlik-omonlik, dehqonchiliklarga baraka tilanib, duo qilindi. Shundan so‘ng tumanimizdagi “Xo‘ja baror azizlar” ziyoratgohida mavsum oldidan bir piyola choy ustida bayram tadbiri tashkil etildi.

Bizni ijtimoiy tarmoqlarda kuzating
Facebook, Telegram