Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
YANGI O’ZBEKISTONDA EL AZIZ, INSON AZIZ
2022-08-12 15:10:29 129
Qo‘shtepada maktabgacha ta’lim muassasalari xodimlari “Ma’naviyat kubogi” uchun bellashdilar
Shu kunlarda respublikamizning barcha hududlarida O’zbekiston Respublikasi davlat mustaqilligining 31 yilligini munosib kutib olish va tantanali ravishda nishonlash uchun har tomonlama qizg‘in tayyorgarlik ko‘rilmoqda.
Xususan, Qo‘shtepa tumanida ham mazkur qutlug‘ sanaga bag‘ishlab bayramona tadbirlar o‘tkazilmoqda. Joylarda bo‘lib o‘tayotgan tadbirlar “Yangi O’zbekistonda el aziz, inson aziz!”, degan bosh g‘oyani o‘zida mujassam etmoqda.
Bugun, tumanimizdagi Bolalar va o‘smirlar sport maktabida O’zbekiston Respublikasi Mustaqilligining 31 yilligi munosabati bilan “Yangi O’zbekistonda el aziz, inson aziz” shiori ostida bayram tadbiri o‘tkazildi. Unda tuman maktabgacha ta’lim muassasalari xodimlari sportning milliy xalq o‘yinlari turi bo‘yicha “Ma’naviyat kubogi” uchun bellashdilar.
Tadbirda tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari A.Yusupov, Respublika Ma’naviyat va ma’rifat markazi viloyat bo‘limi rahbari M.Sulaymonov, tuman hokimining maslahatchisi M.Mo‘ydinova, Respublika Ma’naviyat va ma’rifat markazi tuman bo‘linmasi rahbari D.G’aniyev hamda ma’rifat targ‘ibotchilar guruhi rahbari D.Yusupovalar ishtirok etishdi.
Musobaqada tumanimizdagi maktabgacha ta’lim muassasalarida faoliyat yuritayotgan xotin-qizlar ishtirok etishib, milliy o‘yinlarimizdan lanka, bo‘ron, kartoshka ekish, arqonda sakrash bo‘yicha kuch sinashdilar.
Ko‘tarinki kayfiyatda o‘tgan tadbirda tuman madaniyat bo‘limining xonandalari, MTBning tarbiyachi va tarbiyalanuvchilari ishtirokida kontsert dasturi ham namoyish etildi.
Milliy o‘yinlarda g‘olib bo‘lgan jamoalar esa “Ma’naviyat kubogi” uchun sportning arqon tortish turi bo‘yicha bellashdilar.
Musobaqalarda faxrli 1-2 o‘rinlarni egallagan jamoalar tuman hokimligi tomonidan ta’sis etilgan tashakkurnoma va esdalik sovg‘alari bilan taqdirlandilar. “Ma’naviyat kubogi”ni esa 32-maktabgacha ta’lim muassasi jamoasi qo‘lga kiritdi.
