Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
REGISTRATORLAR UCHUN O‘QUV SEMINAR TASHKIL ETILDI
2022-08-01 16:59:55 67
Joriy yilning 1-3 avgust kunlari respublikamizning barcha hududularida aholini ro‘yxatga olish yuzasidan registratorlar uchun seminarlar tashkil etilishi rejalashtirilgan. Bugun reja asosidagi seminar Qo‘shtepa tumanida o‘tkazildi.
2022-yil yanvar-iyun holatiga ko‘ra, Qo‘shtepa tumanida doimiy aholi soni 198,398 ming kishini tashkil etmoqda. Tumanda jami 51 ta mahalla fuqarolar yig‘ini mavjud bo‘lib, 44 ta registratorlar seminarda ishtirok etmoqdalar.
Shuningdek, o‘quv seminarda tuman hokimining birinchi o‘rinbosari A.Yunusov, tuman hokimi o‘rinbosari, oila va xotin-qizlar bo‘limi boshlig‘i D.Olimova, viloyat statistika boshqarmasi bo‘lim boshlig‘i H.Nortojiyev va tuman ro‘yxatga olish bo‘limi boshlig‘i Sh.Toshtemirovlar ham qatnashdilar.
Seminar ishtirokchilariga o‘qish jarayonida registratorlarning asosiy vazifalari, registratorlar tomonidan o‘zlariga biriktirilgan hududdagi barcha uy-joylar va aholi yashaydigan noturar joylar ro‘yxatini tuzish, aholi soniga aniqlik kiritish hamda xaritalarni o‘rganish ishlari haqida batafsil tushunchalar berildi.
