Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
HAJ – 2022
![](https://qoshtepa.uz/uploads/bot/7af2c47969d192690d11c.jpg)
2022-07-22 11:26:52 134
![](https://telegra.ph/file/7af2c47969d192690d11c.jpg)
Hammani bu saodatga musharraf qilsin!
Bundan bir oy avval 59 nafar tumandoshlarimiz Haj amallarini bajarish uchun Saudiya Arabistoniga jo‘nab ketgan edilar. Ular muborak Haj ziyoratini ado etib, Vatanimizga eson-omon qaytib keldilar.
![](https://telegra.ph/file/51cdb86eed27a076d896b.jpg)
Bugun tuman hokimligida ziyoratchilarni kutib olish marosimi bo‘lib o‘tdi. Marosimda tuman hokimi I.Novikov va sektor rahbarlari, tuman hokimining o‘rinbosarlari, huquq-tartibot hamda mas’ul idoralarning xodimlari, shuningdek, ziyoratchilarni kutib olish uchun kelgan oila a’zolari, yaqinlari ishtirok etishdi.
![](https://telegra.ph/file/2a360bc6fb5a12993f1cb.jpg)
![](https://telegra.ph/file/6086e60510ae8f65e79da.jpg)
Mana shunday saodatli damlarda Haj amallarini ado etgan yurtdoshlarimiz bugungi dorilomon kunlar uchun shukronalar aytib, Yaratgandan yurtimizga tinchlik, xalqimizga farovonlik so‘rab, xayrli duolar qildilar.
![](https://telegra.ph/file/8c610b9d15bf848a9bb0b.jpg)
– Shu kunlarga yetkazganiga Allohga hamdu sanolar bo‘lsin. Haj ziyoratida ibodat amallarini to‘kis ado etdik, – deydi Qo‘shtepa tumani bosh imom-xatibi Abduhoshim Ahmadaliyev. – U yerda bizga yuqori darajada xizmat ko‘rsatildi. Shinam mehmonxonalarga joylashdik, avtobuslar xizmatimizda bo‘ldi. Hammani bu saodatga musharraf qilsin. Bizlarga shunday qulayliklar yaratib bergan davlatimiz rahbaridan minnatdormiz.
![](https://telegra.ph/file/824071ba6ab0f3fe8de76.jpg)
![](https://telegra.ph/file/9474a3344cf5a6a477d35.jpg)
![](https://telegra.ph/file/85a6d91092d64e9b078d8.jpg)
Bu yil haj safaridan qaytgan tumandoshlarimizning ibodatlarini Yaratganning o‘zi qabul aylasin. Haj safarini niyat qilgan barcha mo‘min musulmonlarga Alloh-taola nasib qilsin!