1. Bosh sahifa
2. Yangiliklar

“ONALARGA EHTIROM” FESTIVALI TUMAN BOSQICHI G‘OLIBLARINI TAQDIRLASH MAROSIMI O‘TKAZILDI

×

Viloyat hokimi tashabbusi bilan viloyatimizda eng muqaddas zot hisoblangan ONAlarga ehtirom va hurmat ko‘rsatish, e’zozlash maqsadida mana ikki yildirki, viloyat miqyosida "Onalarga ehtirom" festivali o‘tkazilib kelinmoqda.

Xususan, bugun Bugun qo‘shtepa tumanidagi “Istiqlol” madaniyat markazida festivalning tuman bosqichi ko‘tarinki kayfiyatda o‘tkazildi.

Tadbirda Qo‘shtepa tumani hokimi Ilyosbek Novikov va sektor rahbarlari hamda bir necha kundan buyon tumanimizda mehmon bo‘lib turgan elimiz ardog‘idagi san’atkorlar ishtirok etishdi.

Tadbir davomida jami 22 ta nominatsiyalar bo‘yicha tanlovning tuman bosqichida g‘oliblikni qo‘lga kiritgan ishtirokchilar tuman hokimligining diplomlari va esdalik sovg‘alari bilan taqdirlanib, festivalning viloyat bosqichida ishtirok etish uchun yo‘llanmalarni qo‘lga kiritdilar.

Bugungi tadbirda O’zbekiston davlat drama teatri aktrisasi Muhabbat Abdullayeva, O’zbekistonda xizmat ko‘rsatgan artist Abdulxay Karimov, estrada xonandasi Umid Shahobov, estrada xonandasi Gulasal Abdullayeva, O’zbekiston Respublikasi qurolli kuchlari ansambili xonandasi Boburjon Xudoyqulov, O’zbekiston Respublikasida xizmat ko‘rsatgan madaniyat xodimi, Qoraqalpog‘iston xalq shoiri Rustam Musurmon, Respublika ma’naviyat va ma’rifat targ‘ibotchisi Obiddin Mahmudovlar ishtirok etib, o‘zlarining ijod namunalaridan Qo‘shtepalik opa-singillarimizni baxramand etishdi.

Bizni ijtimoiy tarmoqlarda kuzating
Facebook, Telegram