Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO’SHTEPALIKLARGA YANA BIR QULAYLIK YARATILIB, YANGI “AGRO MARKAZ” ISHGA TUSHDI
2022-05-06 17:25:56 177
Qo‘shtepa tumanidagi Shodlik mahallasida joylashgan “Zamondosh” oilaviy korxonasi ko‘p tarmoqli bo‘lib, yoshlar markazi, oziq-ovqat va xo‘jalik mollari do‘koni, milliy taomlar oshxonasi, tikuvchilik tsexi va fitnes klubi faoliyatlarini yo‘lga qo‘ygan.
Shodilik MFYdagi hokim yordamchisi Ma’rifatxon Saidova va “Agrobank” aktsiyadorlik tijorat bankining Qo‘shtepa tumani filiali tashabbusi bilan “Zamondosh” oilaviy korxonasining faoliyat turi yana bittaga ko‘payib, “Agro markaz” o‘z faoliyatini boshladi.
Ushbu “Agro markaz” tomonidan tumandagi fermerlar, dehqon xo‘jaliklari, klasterlar va tomorqa yer egalari uchun keng ko‘lamdagi agro xizmatlar taqdim etilmoqda. Eng muhimi, tuman markazidagi ushbu markaz ularni uzog‘ini yaqin qilish va qulaylik yaratish maqsadida tashkil etildi. “Agro markaz”da arzonlashtirilgan qishloq xo‘jaligi va oziq-ovqat mahsulotlari, meneral o‘g‘it shuningdek, agro texnika vositalarini sotish yo‘lga qo‘yilgan. Markazda xizmat ko‘rsatuvchi xodimlar esa maxsus o‘quv kursalarini tamomlashdi.
Bugun ushbu “Agro markaz”ning ochilish marosimi bo‘lib o‘tdi. Unda tuman hokimi Ilyosbek Novikov va sektor rahbarlari, mas’ul idoralarning rahbarlari, mahalla faollari va nuroniylar ishtirok etishdi. Tadbirga yig‘ilganlar markaz faoliyati hamda u yerda mijozlar uchun yaratilgan shart-sharoitlar bilan yaqindan tanishdilar.