1. Bosh sahifa
2. Yangiliklar

QO‘SHTEPA TUMANIDA SUD-HUQUQ MASALALARI BO‘YICHA OMMAVIY QABUL O‘TKAZILDI

×

Mamlakatimizda demokratik va erkin fuqarolik jamiyatini barpo etish, fuqarolarning huquq va erkinliklarini ishonchli himoya qilish kafolatlarini kengaytirish, aholining sud idoralari bilan bog‘liq muammolarini hal etilishiga ko‘maklashish, huquqbuzarlik va jinoyatchilikning oldini olish, jamiyatda qonun ustuvorligi va adolat printsiplarini qaror toptirish, fuqarolarning huquqiy bilim va savodxonligini yuksaltirish maqsadida Prezident Administratsiyasi, Xalq qabulxonalari, Oliy sud, Sudyalar oliy kengashi, Bosh prokuratura, Ichki ishlar vazirligi, Adliya vazirligi hamda Davlat bojxona qo‘mitasi rahbar xodimlari ishtirokida Qo‘shtepa tumanida tashkil etilgan ommaviy qabul davomida Qo‘shtepa, Yozyovon va Oltiariq tumanlarida yashovchi fuqarolar sud-huquq masalalar yuzasidan murojaat qildi.  

Qo‘shtepa tumanidagi 1-IDUMda bo‘lib o‘tgan sayyor qabulda Oliy sud raisi o‘rinbosari Xalilullo To‘raxo‘jayev, Bosh prokuror o‘rinbosari Svetlana Artikova, Ichki ishlar vaziri o‘rinbosari Yahyojon Abdulhakov, Sudyalar Oliy Kengashining sudyasi Bahrom Sobirov, viloyat hokimining o‘rinbosari Xurshid Ahmedov hamda tumanlarning sektor rahbarlari ishtirokida fuqarolarning sud-huquq masalalaridagi murojaatlari tinglandi. Aksariyat murojaatlar qabul davomida hal etildi, qolganlarining ijrosini ta’minlash yuzasidan mutasaddilarga topshiriqlar berildi, tushuntirish talab etiladigan masalalar yuzasidan murojaatchilarga huquqiy maslahatlar berildi.

Bizni ijtimoiy tarmoqlarda kuzating
Facebook, Telegram