Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“KITOBXONLIK HAFTALIGI” QO’SHTEPADA DAVOM ETMOQDA
2022-04-21 15:58:43 91
Yurtimizda 23 aprelga qadar davom etadigan “Kitobxonlik haftaligi” doirasida Qo‘shtepa tumani Axborot-kutubxona markazi tomonidan taqdimot, muloqot, uchrashuv, davra suhbatlari va boshqa ko‘plab qiziqarli loyihalar o‘tkazilishi rejalashtirilgan.
Ana shunday tadbirlardan biri bugun bo‘lib o‘tdi. “Eng yaxshi kitobxon ta’lim muassasasi” deb nomlangan tanlovda tumandagi 5 ta umumta’lim maktabilari hamda 2 ta IDUMI o‘quvchlaridan iborat jamoalar o‘zaro 3 ta shart bo‘yicha bellashdilar.
Tadbir davomida faol kitobxonlar tomonidan she’r, qo‘shiq va raqslar namoyish etildi. Axborot-kutubxona markazi tomonidan tanlov ishtirokchilariga esdalik sovg‘alari va faxriy yorliqlar topshirildi.
Shuningdek, haftalik doirasida Qo‘shtepa tumani milliy gvardiya bo‘limi xodimlari ham tuman Axborot-kutubxona markaziga sayohat uyushtirishdi. Sayohat davomida xodimlar kutubxona faoliyati, shuningdek, o‘zlarini qiziqtirgan adabiyotlar bilan tanishdilar.