Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ISHSIZ OILALARGA YER BERILDI
![](https://qoshtepa.uz/uploads/bot/410fc55057abdd115022e.jpg)
2022-04-04 11:57:53 98
![](https://telegra.ph/file/410fc55057abdd115022e.jpg)
Prezident qarori asosida mamlakatimizning barcha hududlarida fermer xo‘jaliklari va klasterlar foydalanishidagi past hosilli paxta va g‘alla ekinlaridan qisqartirilgan yerlar hisobidan fuqarolarga yer maydonlari ajratilyapti.
10 sotixdan 1 gektargacha bo‘lgan o‘lchamdagi yerlar ochiq elektron tanlov orqali ijara huquqi asosida berilmoqda. Bu imkoniyatdan asosan “Yoshlar daftari”, “Ayollar daftari” va “Temir daftar”ga kiritilgan ishsiz fuqarolar foydalanmoqdalar.
Qo‘shtepa tumanidagi Sarmozor mahalla fuqarolar yig‘inida ham 26 nafar fuqaroga 2,6 gektar yer maydoni ochiq elektron tanlov orqali ijara huquqi asosida ajratib berildi. Ularning 3 nafari “Ayollar daftari”, 13 nafari “Yoshlar daftari”da turuvchi, shuningdek, 10 nafari talabgor fuqarolar bo‘lib, har biriga 10 sotixdan yer berildi.
![](https://telegra.ph/file/432cc5c258801b2393e93.jpg)
Ushbu fuqarolar bilan “Qo‘shtepa umidi” meva-sabzavotchilik klasteri o‘rtasida shartnoma tuzilib, kooperatsiya tuzilishi rejalashtirildi.
Ayni kunlarda “Qo‘shtepa umidi” meva-sabzavotchilik klasteri tomonidan fuqarolarga berilgan 2,6 gektar yer maydonida kartoshka ekish ishlari olib borilmoqda.